Andrèa Paładio (2/4)

ANDRÈA PAŁADIO (2/4) – Inte’l 1570 el pùblega i Cuatro Łivri de l’Architetura (in volgare toscan), a dir ła pì inportante publegasion de architetura iłustrà de ła storia, pensà da łu cofà un mezo par comunegar a tuto el mondo ła só vizion de na architetura sitemàtega, espresion de “na prozetasion fondà sora łe variasion potensialmente infinide de un grupo łimità de ełementi” (Guido Beltramini). El revołusiona cusì ła só època e cuełe dapò creando un standard rasionałizà de’l łenguajo architetònego, Inte’l 1575 el pùblega i Commentari di C. Giulio Cesare onde che el esplìsita ła só pasion par ła storia miłitare romana. Cuà A se pol capir racuanto che’l só stiłe conpozidivo el sipia stà influensà da’l studio de łe dispozision zeomètreghe de łe trupe romane: par ezenpio l’idèa de prozetar łe barchese a emisiclo ła vien da ła manovra “a tanaja” de łe łejon romane inpiegàe in bataja.

Da’l Łunaro Veneto 2023, Setenbre in 4 artìgołi:

  • SETENBRE/1 – ANDRÈA PAŁADIO (1/4)
  • SETENBRE/2 – ANDRÈA PAŁADIO (2/4)
  • SETENBRE/3 – ANDRÈA PAŁADIO (3/4)
  • SETENBRE/4 – ANDRÈA PAŁADIO (4/4)
Dizitałizasion de’l testo de’l meze de Setenbre de’l Łunaro Veneto 2023.
Reprodusion autorizà da Academia de ła Bona Creansa

Leggi altri articoli: