ANDRÈA PAŁADIO (3/4) – Dapò de gaver prategà cofà scalpełin, Paładio el scomisia co’l far su łe viłe: a’l dì de ancò A se ghe ne conta 28 a łu atribuìe (17 par comitenti de teraferma e 9 par venesiani). Ma inte ła só cariera el ga prozetà anca 20 cieze, 3 teatri, 12 ponti, 18 monumenti, 48 pałasi e in pì varie restruturasion. In totałe A ghe vien reconjosesti 184 prozeti (125 costruìi e 59 so ła carta; 91 par privati e 93 de incàrego pùblego). De ‘sti cuà 161 i ga na łocałizasion presiza: el 96% i ze rento ła Serenìsima, co 38 inte’l Dogado (ma a Venesia solche cieze) e 123 inte’l Stato da Tera. Inte’l 1570 el deventa Proto de ła Serenìsima, a dir architeto in cao de ła Repùblega, cofà sucesor de’l Sansovin. Inte’l 2010, co ła “Concurrent Resolution 259”, i Stadi Unidi i ga reconjosesto l’architeto veneto cofà “el pare de l’architetura meregana”.
Da’l Łunaro Veneto 2023, Setenbre in 4 artìgołi:
- SETENBRE/1 – ANDRÈA PAŁADIO (1/4)
- SETENBRE/2 – ANDRÈA PAŁADIO (2/4)
- SETENBRE/3 – ANDRÈA PAŁADIO (3/4)
- SETENBRE/4 – ANDRÈA PAŁADIO (4/4)