ANDRÈA PAŁADIO (4/4) – Tra łe só òpare: a Vicensa ła Bazéłega (restruturasion de’l Pałaso de ła Rajon gòtego), el Teatro Ołìnpego (el pì antigo teatro stàbiłe coverto), Pałaso Valmarana (co i órdeni ziganti), Pałaso Cieregadi (na viła urbana), Viła Almerigo “Ła Rotonda” (1556, protòtipo de ła viła-tenpio co i vołumi de cubo e semisfera); inte ła Marca Trevizana: Viła Emo (Fanzoło, 1559) e Viła Bàrbaro (Mazer, 1554), tute do co łe barchese integràe inte’l corpo paronale, ma co difarenti sołusion conpozidive e decoradive: ła prima ła ze ła fàbrega-azienda e ła segonda ła fàbrega che ła mostra l’habitus colto de’l paron. A Venesia: ła Bazélega de’l Redentor (planimetrìa conplesa, fenestre termałi e minareti). A Frata Połezene ła Viła Badoèra (1554, co łe escluzive barchese “a tanaja”). Inte’l veronato ła Viła Serego (1565, asè orìzenałe pa’l desenjo e i materiałi).
Da’l Łunaro Veneto 2023, Setenbre in 4 artìgołi:
- SETENBRE/1 – ANDRÈA PAŁADIO (1/4)
- SETENBRE/2 – ANDRÈA PAŁADIO (2/4)
- SETENBRE/3 – ANDRÈA PAŁADIO (3/4)
- SETENBRE/4 – ANDRÈA PAŁADIO (4/4)
