COCIOPESTO – el ze un tipo de intònago łargamente doparà in Veneto, sia antigamente che de ‘sti tenpi, soratuto par i restàuri. El ze stà inventà da i Fenisi e daspò parfesionà da i Romani. De sèito ‘sta tècnega ła se ga consołidà inte ła Repùblega Veneta, soratuto a Venesia e Trevizo.
El cociopesto ła ze na malta a baze de calse aèrea co ła zonta de framenti de coto, a granułometrìa variabiłe, che storegamente i jera otenjùi da ła mazenasion de i copi pa’ i cuerti.
‘Sta zonta ła confarise un conportamento idràułego, a dir che’l cociopesto el fa preza in anbienti asè ùmedi e che’l ga na basa permeabiłidà a l’acua garantendo, a onji modo, na bona traspirabiłidà a’l vapor.
L’intònago de cociopesto el ze asè rezistente e de fati A se cata pareti de ‘sta arte che łe ze vecie de sècołi.
~
Da’l Łunaro Veneto 2020, Setenbre in 4 artìgołi:
- SETENBRE/1 – COCIOPESTO
- SETENBRE/2 – MURE DE TREVIZO
- SETENBRE/3 – TOBIA SCARPA
- SETENBRE/4 – PREMIO ODERSO
