Architetura de’l Siesento veneto I (1/4)

Panoràmega so’l Siesento veneto – I pì resenti studi stòreghi i ne demostra che el Siesento in Veneto el ze stà un sècoło senjà tanto da problemàteghe interne e esterne – l’Intardeto de’l Papa de’l 1606, ła peste de’l 1630 e łe costoze e tremende guere de Candia e Morèa – cuanto anca da na efetiva vitałidà sosiałe e połìtega che ła ga portà a inportanti procesi de reconvarsion produtiva in canpo econòmego (par ezenpio ła produsion łaniera, in crize, sostituìa co cueła de ła seda) e a na profonda restruturasion teritoriałe de ła Teraferma, co inportanti łaori de idràułega pa’ i fiumi e la Łaguna, e na progresiva dełocałizasion de łe manufature da łe sità verso i distreti extraurbani.