Łe viłe venete inte’l Siesento – Inte’l XVII sècoło el proceso de investimenti e edifegasion de łe viłe in Teraferma, che’l jera za fiorìo inte’l ‘500, el sèita a nar vanti con na progresion drioman mazor: segondo i dati de ła Soraintendensa Archeołòzega Arte Bełe e Paezajo de’l Veneto, da 700 viłe edifegàe inte’l ‘500 A se va vanti co altre 1000 viłe nove edifegàe inte’l ‘600. Łe viłe de ‘sto sècoło łe raprezenta el 26,5% de tute le viłe fate su in Veneto tra’l Cuatrosento e l’Otosento. Un fenòmano che’l ciapa rento sia el patrisiado venesian, da’l bon scaturìo par ła pèrdita de Candia (1669), sia łe aristocrasìe de Teraferma, soratuto inte i teritori de Varona e Vicensa.
Da’l Łunaro Veneto 2024, Marso in 4 artìgołi:
- MARSO/1 – ARCHITETURA DE’L SIESENTO VENETO (1) (1/4)
- MARSO/2 – ARCHITETURA DE’L SIESENTO VENETO (1) (2/4)
- MARSO/3 – ARCHITETURA DE’L SIESENTO VENETO (1) (3/4)
- MARSO/4 – ARCHITETURA DE’L SIESENTO VENETO (1) (4/4)
