El Baroco in Veneto – L’architetura Baroca, dezviłupà in Eoropa da łongo de tuto el sècoło, a Venesia cusì come anca in Teraferma no ła vantarà mai cheła espresività cusì tìpega e anca sparimentałe che invese catemo par ezenpio a Roma, in Piemonte o in Sisiłia. L’architetura in Teraferma, par tuto el ‘600, ła restarà scuazi senpre łigà a’l rigor conpozidivo renasimentałe e claseghista che’l jera stà portà vanti da Paładio e Scamosi. A Venesia, in partegołare, el primo ‘600 el sarà caraterizà da’l stiłe “conservador” portà vanti da i proti, poco łigài a i ideałi de i architeti claseghisti, e solche in segondo tenpo el sarà Baldasar Łonghena a evòlvar el łenguajo venesian.
Da’l Łunaro Veneto 2024, Marso in 4 artìgołi:
- MARSO/1 – ARCHITETURA DE’L SIESENTO VENETO (1) (1/4)
- MARSO/2 – ARCHITETURA DE’L SIESENTO VENETO (1) (2/4)
- MARSO/3 – ARCHITETURA DE’L SIESENTO VENETO (1) (3/4)
- MARSO/4 – ARCHITETURA DE’L SIESENTO VENETO (1) (4/4)
