EL SIESENTO TRA MARCA E BEŁUMAT – A Trevizo ła peste de’l 1630 e ła prezensa senpre pì numaroza de fameje venesiane a investir inte’l contado, łe porta drioman a na stanjasion econòmega e sosiałe de la sità che ła se reflete anca inte na repetidiva architetura “a ła venesiana”. Fa ecesion el Pałaso Dolfin che el se propone cofà na viła paładiana suburbana. Ła viła Tiépoło, poco fora Trevizo e co un stradon da 2 km, ła ze invese el paradigma de l’azienda agrìcoła funsionałe che ła integra anca varie manufature. Feltre e Bełun invese łe va a benefisiar de un łongo parìodo pròspero de recostrusion post-Cambrai che inte’l ‘600 el vede anca el pì grando dezviłupo de łe viłe in chel teritorio.
Da’l Łunaro Veneto 2024, Desenbre in 4 artìgołi:
- DESENBRE/1 – EL SIESENTO INTE’L PAVAN (1/4)
- DESENBRE/2 – EL SIESENTO A VARONA E VICENSA (2/4)
- DESENBRE/3 – EL SIESENTO TRA MARCA E BEŁUMAT (3/4)
- DESENBRE/4 – ŁA ROTONDA DE ROVIGO (4/4)
