LE DO BAZÉŁEGHE VENETE – Inte ła sità de Rivoalto (Venesia) a patir da’l 1063, soto el doze Doménego Contarini, A scumisia ła costrusion de ła 3ª bazéłega de San Marco (ła 1ª ła ze de’l 836). Dadrìo el prozeto A ghe ze architeti greghi fati vènjar aposta e donca l’inpianto a pianta sentrałe co 5 cùpołe el se ispira a l’Apostoleion de Costantinòpołi. Ma łe maestranse łe ze łocałi e ła cripta e i cuarełi doparài i ze ełementi de tradision osidentałe.
Inte’l 1235 i fransescani i scumisia a Pava ła costrusion de ła bazéłega de Sant’Antonio: ła fasada a capana ła ze romànega, l’inpianto planimètrego e struturałe el ze gòtego, ma łe 8 cùpołe łe varda a San Marco (onde che inte i primi ani de’l 1200 i gaveà pena realsà cuełe de la fàbrega contariniana) e łe tore sotiłe łe vien da i minareti de l’architetura izlàmega.
Da’l Łunaro Veneto 2022, Zenaro in 4 artìgołi:
- ZENARO/1 – ŁE VARIETÀ ROMÀNEGHE VENETE
- ZENARO/2 – LE DO BAZÉŁEGHE VENETE
- ZENARO/3 – I PAŁASI COMUNAŁI VENETI (1)
- ZENARO/4 – I PAŁASI COMUNAŁI VENETI (2)
