I PAŁASI COMUNAŁI VENETI (2) – Ła Civitas Rivoalti de’l Dogado ła deventa Commune Veneciarum inte’l 1143 e, a partir da’l doze Ziani (1172-78), A vien fato su el palatium communis inte l’ała de’l Pałaso Dogałe – fondà inte’l 814 – che ła varda el moło. Ła costrusion in stiłe romànego ła se fonda so’l schema de un corpo de fàbrega łongo a do piani, co’l sałon grando e łe łoze esterne a’l piano suparior.
Ła fàbrega Ziani la sarà dapò ciapà rento inte ła restruturasion de’l XIV sèc e ła deventa modeło pa’l Pałaso de i Trezento a Trevizo (1204) e pa’l Pałaso de ła Rajon de Pava. El “Sałon” pavan, conpletà inte’l 1219, da prinsipio el gavèa i pilastri che i tenjéa su el cuerto che, dapò de l’intarvento de Fra’ Joani de i Eremitani de’l 1306, el deventa na covertura autoportante a forma de carena roversà, podendo cusì otènjar un sałon a pianta łìbara de 81 metri par 27, par l’època el pì grando al mondo.
Da’l Łunaro Veneto 2022, Zenaro in 4 artìgołi:
- ZENARO/1 – ŁE VARIETÀ ROMÀNEGHE VENETE
- ZENARO/2 – LE DO BAZÉŁEGHE VENETE
- ZENARO/3 – I PAŁASI COMUNAŁI VENETI (1)
- ZENARO/4 – I PAŁASI COMUNAŁI VENETI (2)
