MÀURO CODUSI – El ze stà un architeto bergamasco (Lenna, 1440 – Venesia, 1504) protagonista strainportante, ma asè sotovałudà, de l’evołusion architetònega de Venesia. Prategando inte ła Romanja de’l L.B. Alberti, el ga podesto far suo el łenguajo de’l primo Renasimento Toscan. E par primo el ło porta in Łaguna co ła cieza de San Michiel in Ìzoła, prozetà co l’inovadiva fasada triłobà che Codusi el ła repropone anca par S. Zacarìa (1491) e che catemo anca inte ła catedrałe de San Jàcomo a Sebenigo (de’l dàlmata Zorzi Orsini), caołaoro de’l cusì dito Renasimento Adriàtego. A’l Codusi ła połe èsarghe atribuìa ła maravejoza Ca’ Vendramin Calergi inte’l Canal Grando, co’l primo dòparo de l’intònago marmorin. Inte’l 1483 el łaora par ła restruturasion de ła Scoła Granda de San Marco, caołaoro de’l cuatrosento veneto. A łu A ghe vien atribuìa anca ła prozetasion de ła Tore de’l Rełojo in Piasa San Marco.
Da’l Łunaro Veneto 2023, Desenbre in 4 artìgołi:
- DESENBRE/1 – L’ALBESO DE’L RENASIMENTO IN VENETO
- DESENBRE/2 – MÀURO CODUSI
- DESENBRE/3 – JOANI MARÌA FALCONETO
- DESENBRE/4 – MICHIEL SANMICHIEŁI
