Architetura Renasimentałe Veneta (3/4)

JOANI MARÌA FALCONETO – Architeto e pitor veneto (Varona, 1468 – Padoa, 1540), el ga vuo modo de vizitar Roma e Poła par studiar łe antighità clàseghe, anca in conpanìa de’l só mesenate Alvize Cornaro, inportante łeterato pavan nativo de Venesia. Inte’l 1524 el prozeta ła Łoza, a dir ła prima òpara de architetura renasimentałe a Padoa, rento el cortiłe de Caza Cornaro darente ła Bazéłega de’l Santo: un spasio de siena architetònego onde che łe venjéa raprezentàe łe òpare de’l Ruzante, conforme a i prinsipi de’l teatro clàsego de Vitruvio, e che’l riełàbora sołusion prozetuałi za viste da’l Falconeto inte’l Renasimento Roman. Insenbre a ła Łoza el prozeta anca l’Òdeo ispirà a ła Domus Aurea romana de l’inperador Neron. Senpre a Padoa el prozeta Porta San Joani (1528), Porta Savonaroła (1530), l’arco de ła Tore de’l Rełojo, el Monte de Pietà Novo (1533) e ła Viła de i Vescovi a Toreja.

Da’l Łunaro Veneto 2023, Desenbre in 4 artìgołi:

  • DESENBRE/1 – L’ALBESO DE’L RENASIMENTO IN VENETO
  • DESENBRE/2 – MÀURO CODUSI
  • DESENBRE/3 – JOANI MARÌA FALCONETO
  • DESENBRE/4 – MICHIEL SANMICHIEŁI
Dizitałizasion de’l testo de’l meze de Desenbre de’l Łunaro Veneto 2023.
Reprodusion autorizà da Academia de ła Bona Creansa

Leggi altri articoli: