Architetura Renasimentałe Veneta (4/4)

MICHIEL SANMICHIEŁI – Inportante architeto veneto (Varona, 1484 – 1559). Dapò de èsarse formà a Firense e Roma, el deventa el primo auténtego architeto veneto renasimentałe che’l ga resevùo anca inportanti incàreghi da parte de’l Goerno Veneto par architeture miłitare sia inte’l Stato da Tera che inte’l Stato da Mar. A Varona el fa su: Porta Nova (1532), Porta San Zen (1541) e Porta Pałio. Cofà architeture siviłi el prozeta Pałaso Canosa (1527), Pałaso Beviłacua (1530), caołaoro renasimentałe de ła sità, e Pałaso Ponpèi; a San Michiel Extra el prozeta ła Cieza de ła Madona de Canpanja (1559), ła só ùltema òpara asè orizenałe a pianta sircołare. A Roigo: Pałaso Roncałe (1555), darente de’l sèłebre Pałaso Rovereła. A Venesia: el Forte de Sant’Andrèa, Pałaso Corner Mosenigo e el sèlebre Pałaso Grimani, asè apresà anca da John Ruskin. In Teraferma el ga prozetà anca na diezina de viłe antisipando cuełe paładiane.

Da’l Łunaro Veneto 2023, Desenbre in 4 artìgołi:

  • DESENBRE/1 – L’ALBESO DE’L RENASIMENTO IN VENETO
  • DESENBRE/2 – MÀURO CODUSI
  • DESENBRE/3 – JOANI MARÌA FALCONETO
  • DESENBRE/4 – MICHIEL SANMICHIEŁI
Dizitałizasion de’l testo de’l meze de Desenbre de’l Łunaro Veneto 2023.
Reprodusion autorizà da Academia de ła Bona Creansa

Leggi altri articoli: