SCOMISIO ’500 – A’l scomisio de’l ’500 l’è un zóvane Zorzon a reałizar na pitura co Judita cofà sojeto, co na costrusion de’l depinto fortemente vertegałe e łonziłinea, dove che ła dona ła ze in pie e ła struca in tera ła testa de’l nemigo, co’l volto ormài seren pa’ l’inpreza conpìa. Inte’l médemo parìodo anca altri importanti artisti cofà Pordenon e Tisian i se intaresa a ła vałoroza eroina: el primo el ła retràe de spałe revolta verso l’oservador fin che ła mete ła testa tajà inte’l saco, cosiente de’l sesto estremo che ła ga pena cometesto, el secondo el ła raprezenta sia só na teła (dove che ła ga probabilmente ła facia de l’amante de’l pitor) sia so un afresco pa’l Fóntego de i Todeschi, purtropo gravemente danejà da’l tenpo a’l dì de ancó, dove che Judita ła fegura cofà na ałegorìa de ła Zustisia.
Da’l Łunaro Veneto 2022, Setenbre in 4 artìgołi:
- SENTENBRE/1 – SCOMISIO ‘500
- SENTENBRE/2 – PRIMO ‘500
- SENTENBRE/3 – SEGONDO ‘500
- SENTENBRE/4 – ‘600 E ‘700
