SECONDO ’500 – Tintoreto el deside de fegurar ła sena de ła decołasion co na cuantità granda de drapi e de tesùi, zontàndoghe ełementi cofà un łeto a baldachin e tapéi inte ła stansa de’l comandante asiro. Cusì ła łuze, scuazi pionbando de colpo a mostrarghe a’l spetador ła situasion dramàtega, ła definise łe forme e el vario cromatizmo de i presiozi drapeji che ła colpise, come anca i reflesi de’l vero e de’l metało in penonbra. Veroneze el produze parfin un siclo de piture so’l raconto bìblego, mostrando i ponti fondamentałe de ła storia da co Ołoferne el serca de otenjer informasion so i Ebrèi a co’l vien decołà, ma el reałiza anca sìngołi cuadri, bazài so forti efeti e sapienti de contrasti cromàteghi de ciaroscuro. Ła ze na Judita desizamente forte e enèrzega cueła che ne raprezenta Palma el Zóvane in vari só dipinti, che ła tien streta ła spada in ła man e co orgojo ła sconde el cao de’l nemigo
Da’l Łunaro Veneto 2022, Setenbre in 4 artìgołi:
- SENTENBRE/1 – SCOMISIO ‘500
- SENTENBRE/2 – PRIMO ‘500
- SENTENBRE/3 – SEGONDO ‘500
- SENTENBRE/4 – ‘600 E ‘700
