Ła Judita inte l’arte veneta 2 (4/4)

600 e ’700 – Entrando deso inte’l ’600 baroco A se połe védar come che’l tema el sèite ancora susitar l’intarese de tanti pitori, cofà Matèo Ponson, Piero de ła Vecia, Piero Negri e Antonio Zanchi. Ła paładina ebrèa deso ła conpare in atmosfere senpre pì tenebroze, come in Ponson e Negri par ezenpio, dove che’l primo el ne mostra na sena crua co łe face de ła dona e de ła só serva masa fiere e sodisfate, scuazi morboze, el secondo invese el prezenta el momento co na Judita da’l volto sonjante e tuto el resto come che fuse na sena banałe e cuotidiana. Rivando a’l ’700 el tema el vien reciapà da vari artisti cofà Gregorio Łazarini, Zuane Antonio Pełegrini, Jàcopo Amigoni e Zuane Batista Piaseta. A se pol védar ałora come che cueła de Judita ła sipie una de łe storie bìbleghe che pì ga atirà l’atension de i pitori veneti de l’Età Moderna, onjun interpretando co ła só parsonałe raprezentasion i ełementi tòpeghi de’l raconto.

Da’l Łunaro Veneto 2022, Setenbre in 4 artìgołi:

  • SENTENBRE/1 – SCOMISIO ‘500
  • SENTENBRE/2 – PRIMO ‘500
  • SENTENBRE/3 – SEGONDO ‘500
  • SENTENBRE/4 – ‘600 E ‘700
Dizitałizasion de’l testo de Setenbre 2022 de’l Łunaro Veneto 2022.
Reprodusion autorizà da Academia de ła Bona Creansa

Leggi altri articoli: