INTE ŁA ŁETARADURA – L’imàzine de na Judita che, guidà da ła vołontà divina, ła łìbara el só pòpoło da’l nemigo, e da un nemigo che’l riva da Oriente, ła vien de frnete reciapà da vari scritori, soratuto de l’Età moderna, cuando che l’Europa ła ze in guera continua co i Otomani e i pirati barbareschi. Tra i scritori che i se ispira a ‘sta fegura A ghe ze el venesian Łodovigo Dolse, che’l scrive na òpara ndove che se conta ła storia de varie eroine femenine ezenplare, ła “Istituzione delle donne”, contando anca ła storia de ła pia Judita. Ma A ze tanto noto, soratuto pa’ łe mùzeghe de Vivaldi, l’oratorio (drama sacro) “Juditha triumphans devicta barbarie Holofernes”, raprezentà ite’l 1716 par festejar na Venesia che ła gaveva pena vinto ła só ùltema guera contro el Turco, cantando inte ła storia de Judita na ciara corespondensa.
Da’l Łunaro Veneto 2022, Agosto in 4 artìgołi:
- AGOSTO/1 – L’ASEDIO ASIRO
- AGOSTO/2 – ŁA ŁIBARASION
- AGOSTO/3 – INTE ŁA ŁETARADURA
- AGOSTO/4 – INTE ŁA PITURA
