INTE ŁA PITURA – Ła fegura de Judita ła ga parò ancora pì fortuna inte’l mondo de ła pitura. Sempre inte i sècołi de l’Età moderna, i ze tanti i artisti che i raprezenta l’eroina, fegurà soratuto inte l’ato de tajarghe ła testa a Ołoferne. Tra i primi pitori veneti a ispirarse a ła corajoza paładina A ghe ze el Mantenja che, tra łe só raprezentasion de Judita, so na pitura el ła retràe fin che ła mete ła testa de’l zenarałe rento un saco tenjesto da na serva. El cuadreto, na ténpara a coła e oro, el serca de reprodùzar co ła finesa e el reałizmo de’l desenjo i efeti cromàteghi de’l marmo e de’l bronzo. Un detajo sorprendente l’è ła raprezentasion de’l recin de cristało de Judita e i reflesi che’l manda. ’Sta òpara ła fa parte de ła produsion dita de łe “grizaje”, piture che łe serca aponto de confrontarse co l’arte scultorea, tanto amirà inte łe corte renasimentałe.
Da’l Łunaro Veneto 2022, Agosto in 4 artìgołi:
- AGOSTO/1 – L’ASEDIO ASIRO
- AGOSTO/2 – ŁA ŁIBARASION
- AGOSTO/3 – INTE ŁA ŁETARADURA
- AGOSTO/4 – INTE ŁA PITURA
