Prospetive de Architetura Veneta (4/4): ŁA MOSTRA INTARNASIONAŁE DE ARCHITETURA (VENESIA)

ŁA MOSTRA INTARNASIONAŁE DE ARCHITETURA (VENESIA) – Inte’l 2018, da’l 26 majo a’l 25 noenbre, A ghe ze stà ła XVI Mostra Intarnasionałe de Architetura de Venesia (o anca “Bienal de Architetura“), on evento che’l se tien onji du ani (coełi pari) alternà co l’Espozision Intarnasionałe de Arte (inte i ani dìspari).

Ła Bienal de Venesia ła ze una tra łe pì antighe, inportanti e prestijoze rasenje intarnasionałi de arte contenporanea a’l mondo: ła prima edision ła ze stà inte’l 1895 e ła ze senpre stà łogada rento i zardini pùbleghi de’l sestier de Casteło.

‘Sta zona ła vien ciamà “Zardini de ła Bienal” purpio pa’ ła prezensa de i vari padiłioni permanenti projetài inte i ani da sèłebri architeti (Carlo Scarpa, Gerrit Rietveld, Studio BBPR, Sverre Fehn evc).

Corendo l’ano 1980 A ghe ze stà ła prima edision de ła Mostra Intarnasionałe de Architetura ciapando rento anca el spasio espozidivo de łe Cordarìe de l’Arsenal e anca, a partir da’l 1999, cueło de łe Teze sincuesentesche.

~

Da’l Łunaro Veneto 2019, Novenbre in 4 artìgołi:

Dizitałizasion de’l testo de Novenbre 2019 de’l Łunaro Veneto 2019.
Reprodusion autorizà da Academia de ła Bona Creansa