ACADEMIA DE I CONCORDI – Ła ze na istitusion culturałe de Rovigo, uncora ativa, fondada inte’l 1580 da’l conte Gaspare Campo, omo de gran sapiensa.
L’obietivo el jera cuel de reunir łetaradi e studiozi de’l Połèzene par discorar de łetaradura, mùzega, arte e da sùito ła ga raprezentà el ponto sentrałe de ła cultura rovigota. El nome Concordes el vol evidensiar ła concordia che ła unise i sosi de l’Academia soto el medèzemo spìrito cołaboradivo.
Inte’l 1739 el Statudo el jera stà ofisialmente aprovà da ła Repùblega Veneta, spenzendo cusì l’istituto e i sosi a inpenjarse uncora de pì inte łe atividà e łe proposte. El Senato Veneto, consapévołe de l’inportansa de l’Academia pa’l teritorio rovigoto, el jera intervenjesto diretamente patrosinando l’ente co un susidio econòmego.
~
Da’l Łunaro Veneto 2021, Marso in 4 artìgołi:
-
MARSO/1 – CRISTINA ROCCATI
-
MARSO/2 – ACADEMIA DE I CONCORDI
-
MARSO/3 – IŁUMINIZMO VENETO
-
MARSO/4 – NATIONES UNIVARSITARIE
Dizitałizasion de’l testo de Marso 2021 de’l Łunaro Veneto 2021.
Reprodusion autorizà da Academia de ła Bona Creansa
