Ła antiga łengua veneta (1/4): ŁENGUA VENETA

ŁENGUA VENETA – L’autor Andrèa Calmo, l’è el primo che el ga doparà łe parołe <<łengua veneta>> par descrìvar ła łengua che ła se parla inte’l teritorio veneto.

A ze inte łe só Łétare, publegàe inte’l 1572 e republegàe altre volte pòstume, che el dize de scrìvar <<ne la vulgar antiqua lengua Veneta>>.

El contenjudo de ‘ste łétare poèteghe el ze intieramente in veneto, variante venesiana, seben che el fronte de’l łibro el sipie in toscan, come che se costumava far da parte de i editori, par invitar un marcà pì grando: prima che i frontespisi i fuse in toscan, tante volte i zera in łatin seben che el contenjudo el fuse in <<volgar>>, ła łengua de’l pòpoło, contraponesta a’l łatin, ła łengua che nesuni parlava ma che i studiài i savéa scrìvar, pì o manco ben.

Parché anca antiga parò? Parché antigo patrimonio, e parché el toscan el zera na novità.

~

Da’l Łunaro Veneto 2021, Zenaro in 4 artìgołi:

  • ZENARO/1 – ŁENGUA VENETA
  • ZENARO/2 – VENETIA
  • ZENARO/3 – ANDRÈA CALMO
  • ZENARO/4 – EL SINCUESENTO
Dizitałizasion de’l testo de Zenaro 2021 de’l Łunaro Veneto 2021.
Reprodusion autorizà da Academia de ła Bona Creansa