ANDRÈA CALMO – Probabilmente fioło de botegari o de artezani de Venesia, no’l ne ga łasà gran notisie so de łu, ma tante produsion bełe, divartente e vìvide.
No’l someja mìa de gaver conpìo studi umanìsteghi che i ghe confarise facoltà de manejar stiłemi poèteghi clàseghi, ma fursi anca par ‘sto fato el vałor de ła só poètega el ze pì alto par nu, che podemo védar mejo traverso de i só scriti łe caratarìsteghe de un scrìvar pì fedełe a’l vero parlà da ła popołasion venesiana (un fià come Ruzante, che’l ze stà un modeło par Calmo) proprio inte chel Sincuesento che’l ze stà crusiałe inte ła cuestion łenguìstega e inte’l raporto veneto-toscan.
A savemo che’l ze morto inte’l 1571, el 23 de febraro, fato che i necrołoghi de ła Repùblega Veneta i scrive łetaralmente <<M. Andrea Calmo, de ani 61, da febre>>.
~
Da’l Łunaro Veneto 2021, Zenaro in 4 artìgołi:
- ZENARO/1 – ŁENGUA VENETA
- ZENARO/2 – VENETIA
- ZENARO/3 – ANDRÈA CALMO
- ZENARO/4 – EL SINCUESENTO