L'Avogadorìa de Comun (4/4): L'AVOGADOR VENESIAN (COMEDIA)

L’AVOGADOR VENESIAN (COMEDIA) – Ndà inte łe sene a Venesian par ła prima volta inte’l Carnevałe de’l 1750, ła comedia “L’Avogador Venesian” ła ze fata de tri ati in proza, scritta da Carlo Goldoni inte’l 1749. Ła ga avudo cusì gran suceso che ła ze stà portà anca a l’èstaro.

Dopo che Goldoni el gavéa metesto in sèna figure triste de avogadori inte “El cavałier e ła dama”, el comediògrafo veneto, ex avogador de suo, el ga vołesto dedegarghe na comedia a un łegałe dotà de integrità e de respetabiłità.

L’òpara ła se da in Rovigo, sità de’l Stato Veneto. L’avogador Alberto, rivà a Venesia par deféndar Florindo inte un proseso contro ła Rozàura, el se inamora de eła. Isteso, el defendarà co tute łe só abiłità el só cliente contro ła Rozàura, vinsendo ła càuza. Łibarà da l’inpenjo de l’incargo profesionałe, el ghe dimandarà a ła Rozàura de maridarlo.

Inte ła prefasion a l’edision stanpà el ga scrito: “El me Avogador no’l ze altro che na copia de i boni e na imàjine par i cativi. Chi che’l ghe someja el se consołe; chi che’l ghe ze distante el se vargogne; che che no’l sa, che l’inpare; e chi che’l sa, che’l me defende”.

~

Da’l Łunaro Veneto 2019, Apriłe in 4 artìgołi:

Dizitałizasion de’l testo de Apriłe 2019 de’l Łunaro Veneto 2019.
Reprodusion autorizà da Academia de ła Bona Creansa