Majo
(Enio Sartori)
Fora se zmoła ła tera in zlavajo
de stajon che inciòcioła l’erba seca
inpastà de nova vida de majo.
Fiapa foja in rama ciapa corajo
e ciama fora ła sioramàndoła
a novi tramaci, fora da’l terajo.
Rento ‘sta pocia el paso se fa peca:
ze fadiga stare in boła; vien voja
de rumar tra łe rame, rento i fosi,
in serca de ła foła che tuto dezbroja.
Poezìa scrita da’l poeta vizentin Enio Sartori, contenjùa inte ła rancura “Parole suonate in controcanto (poesia neodialettale veneta)” publegà inte’l 2014 a cura de “Il Narratore” in formato audiołibro.
