Poło Veneto (3/4)

Un ezenpio de univarsałe – Par ’sto fato, A se pol dir a bon derito che i enti e el łenguajo (o se se vol anca el mondo e el pensier steso) i ga de fato na rełasion intrìnsega, che studiar el łenguajo el sipie cofà studiar i enti, ła realtà e el mondo. A ghe ze donca conformità intrà i conceti univarsałi e ła realtà. Drio ’sta argomentasion, A se pol anca dir che se tuti i individui i vien ciamài “omo”, łora tuti i sarà conpanji drio l’esensa ma difarenti solche e sołamente drio i acidenti. Dito in tèrmeni difarenti, tuti i èsari umani i ze, in cuałità de “èsari umani”, tuti conpanji intrà de łori, e se i ze difarenti, i ło ze par difarense mìa rełevante, cofà el cołor de i oci o de i caveji. Se du individui i ga un i oci mori e cheł’altro verdi, mìa par ’sto fato i taca zo de èsar òmeni.