Veneta astronomìa (1/4): PARAŁASE

PARAŁASE – Galileo Galilei, toscan, el ze stà el primo a doparar el tełescopio par finałità de studio astronòmego. El ze stà łu che’l el ga vołesto ciamarlo co un tèrmene pì popołar: “canociałe”.

Defati, par Galilei ła siensa ła gavéa da poderse capir da tuti, parché l’espariensa enpìrega ła jera na roba che tuti i podeva far co łe só man e védar co i só oci.

Inte ła só òpara “Dialogo de Cecco di Ronchitti da Bruzene” (1605), che el ze el primo tratado de astronomìa scrito in łengua veneta, variante pavana, Galilei el spiega in łengua veneta de’l Siesento cosa che’l ze l’eror de parałase: “se t’andiessi su quel moraro, che xe live, el salgarello te parerae pì basso de l’albara; e s’te torniessi pò da st’altro lò, el salgaretto te vegnirae a parere pì elto de l’albara”.

Galilei el ze stà profesor inte ła Univarsità de Padoa da’l 7 de desenbre de’l 1592 a’l 7 de setenbre de’l 1610. El 21 de agosto de’l 1609, Galilei el zera a Rivoalto par prezentarghe a’l governo de’l Stato Veneto el só canociałe.

~

Da’l Łunaro Veneto 2019, Agosto in 4 artìgołi:

  • AGOSTO/1 – Na paroła: PARAŁASE
  • AGOSTO/2 – Un posto: ALTOPIAN DE I SETE COMUNI
  • AGOSTO/3 – Un parsonajo: BEPI COŁONBO
  • AGOSTO/4 – Un evento: 20 OTOBRE 2018
Dizitałizasion de’l testo de Agosto 2019 de’l Łunaro Veneto 2019.
Reprodusion autorizà da Academia de ła Bona Creansa