Veneti a Chipilo (MEX) (1/4): FAMEJA

FAMEJA Inte’l 1882 un sciapo de fameje, spentonàe par le dezgrathie de’l tenp le à pensà de lasar caza soa inte la val de la Piave, inte la Venetia, par ndar a catar fortuna in Mèsego.

‘Sti veneti cuà, che i ndéa in therca de na vita mejor par luri e i só fiołi, i à fondà un paeze ciamà “Chipilo”, nome tradithional de’l posto, onde che a pì de 130 ani da ‘sta migrathion, a’l dì de ancói, uncora la é viva la lengua veneta e tanti de i costumi e de le tradithion portade vànti in fameja tra le dhenerathion de chipileni, cofà parte de la fameja granda de i veneti inte’l mondo.

Tra tante comunità venete rento Stati onde che se parla portoghes o ingles, cuela de Chipilo la parla veneto e spanjol.

~

Da’l Łunaro Veneto 2020, Otobre in 4 artìgołi:

  • OTOBRE/1 – FAMEJA
  • OTOBRE/2 – MONTE GRAPA (MEX)
  • OTOBRE/3 – GIACOMO BERRA
  • OTOBRE/4 – ZEMEŁAJO
Dizitałizasion de’l testo de Otobre 2020 de’l Łunaro Veneto 2020.
Reprodusion autorizà da Academia de ła Bona Creansa