Veneti a Chipilo (MEX) (2/4): MONTE GRAPA

MONTE GRAPA (MEX) – Destinàe a rethéver a i migranti, le tere de Chipilo, le gavéa na colina che la à dat a i coloni n’aria de i paezi d’onde che i venjéa fóra, co la posibilità de far sù in Mèsego un paeze novo somejà a cuełi veneti de montanja.

Inte i tenp de la Revoluthion Mesegana, el governo mesegan, thentha poder defénder ‘sti migranti e le só fameje, el à dat arme a i coloni che i se à defendest su da ‘sta colina contro de un sciapo de revoluthionari che i voléa ciapar el paeze inte’l 1917.

Inte’l 1925, le autorità italiane inte’l Mèsego le à donà a i veneti de Chipilo un sas de ‘l Monte Grapa, la montanja sìnbolo de l’eroizmo italian de la Guera Granda, che ‘l ze stat mes dó su in thima de ‘sta colina mesegana.

De là, la colina de Chipilo la à ciapà el nome de “Monte Grapa” come un posto tra mito e realtà.

~

Da’l Łunaro Veneto 2020, Otobre in 4 artìgołi:

  • OTOBRE/1 – FAMEJA
  • OTOBRE/2 – MONTE GRAPA (MEX)
  • OTOBRE/3 – GIACOMO BERRA
  • OTOBRE/4 – ZEMEŁAJO
Dizitałizasion de’l testo de Otobre 2020 de’l Łunaro Veneto 2020.
Reprodusion autorizà da Academia de ła Bona Creansa