Veneti a Chipilo (MEX) (3/4): GIACOMO BERRA

GIACOMO BERRA– Nasest a Seguzin inte’l 1878, Giacomo Berra el ze stat l’ùltemo migrante veneto vivo de cuełi rivadi a Chipilo inte’l 1882.

Inte i ani de la Revoluthion Mesegana, Giacomo Berra el gavéa comandà la defeza contro i revoluthionari che i voléa ciapar el paeze e dopo de ‘sta bataja el governo mesegan el gavéa ciamà par nomenarlo dheneral, anca se dopo i à desconjosest el grado.

Inte’l 1970, Giacomo Berra el à dat na intarvista a un dhornal mesegan onde che’l à dito: “son orgojos de’l me orìgin, ma anca me sente orgojos de èsar mesegan, cuesta la é la me tera: cuà ò cresest, e cuà ò da morir”.

Un ano dopo Giacomo Berra el ze morto a i 93 ani e co lu à fenì la prezentha de migranti veneti de prima dhenerathion inte ‘l paeze.

~

Da’l Łunaro Veneto 2020, Otobre in 4 artìgołi:

  • OTOBRE/1 – FAMEJA
  • OTOBRE/2 – MONTE GRAPA (MEX)
  • OTOBRE/3 – GIACOMO BERRA
  • OTOBRE/4 – ZEMEŁAJO
Dizitałizasion de’l testo de Otobre 2020 de’l Łunaro Veneto 2020.
Reprodusion autorizà da Academia de ła Bona Creansa