JUDITHA A NEW YORK – El 17 febraro de’l 2017 la sèłebre Venice Baroque Orchestra ła ga sonà ła Juditha Triumphans de Vivaldi inte un conserto rente ła Carnegie Hall de New York. El crìtego meregan Joshua Barone, da łe pàzene del New York Times, el ga definìo cheła ezibision cofà una de łe pì bełe de l’ano, “un Vivaldi pien de vita, in technicolor”.
L’orchestra, costituìa a Venesia inte’l 1997, ła ze un ensemble muzegałe veneto spesiałizà a sonar mùzega baroca, in partegołar de autori veneti, co strumenti d’època. Fondador e retor de l’orchestra el ze el maestro Andrea Marcon, nasesto a Trevizo inte’l 1963. Inte i ani i ga vantà premi cofà el “Premio Intarnasionałe de’l Disco Vivaldi” (Fondasion Cini), el “Diapason d’Or” (Fransa), l’“Echo Preis” e el “Premio Edison” (Zermania).
~
Da’l Łunaro Veneto 2021, Majo in 4 artìgołi:
-
MAJO/1 – CANTORA NOSTRA SISIŁIANA
- MAJO/2 – MARGHERA ROCK
- MAJO/3 – JUDITHA A NEW YORK
-
MAJO/4 – UN DISCO TUTO TREVIZAN
Dizitałizasion de’l testo de Majo 2021 de’l Łunaro Veneto 2021.
Reprodusion autorizà da Academia de ła Bona Creansa
