UN DISCO TUTO TREVIZAN – “Ndemo zente“, scrito con ła grafìa “Ndemo xente”, el ze un disco de mùzega folk-rock cantà in łengua veneta trevizana, publegà inte’l 2009. Co-autor e cantante de l’òpara el ze el cantautor trevizan Leo Miglioranza (clase 1973) che, de 14 canson, el ghe ne ga scrite 8. Łe altre 6 canson łe ze stàe scrite da altri inportanti autori trevizani.
Ła ga cołaborà anca ła sèłebre cantante cadorina Erica Boschiero. El tema de łe canson el ze el raporto tra l’èsare umano e determinài contesti sosiałi (łoghi, costumanse, tradision, mistieri…) anbientài inte ła profonda provinsa veneta durando un parìodo che’l va da’l scumisio de’l ‘900 fin a’l di de ancò. Par via de’l dòparo de ła łengua veneta el disco el ga godùo de un sostenjo da parte de ła Rejon Veneto.
Da’l Łunaro Veneto 2021, Majo in 4 artìgołi:
-
MAJO/1 – CANTORA NOSTRA SISIŁIANA
- MAJO/2 – MARGHERA ROCK
- MAJO/3 – JUDITHA A NEW YORK
- MAJO/4 – UN DISCO TUTO TREVIZAN
Dizitałizasion de’l testo de Majo 2021 de’l Łunaro Veneto 2021.
Reprodusion autorizà da Academia de ła Bona Creansa
