MARGHERA ROCK – A Marghera, inte’l 1966, ze stà fondà “Le Orme“, un grupo muzegałe de rock progresivo che’l pol èsar definìo un tra i pì inportanti de ła siena “prog” itałiana e intarnasionałe.
Fondadori de’l grupo i ze stài el połistrumentista muraneze Aldo Tagliapietra e’l ghitarista venesian Nino Smeraldi. Durando i 44 ani de storia vari muzeghisti i ze entrài e sortii da ła formasion, tra i vari A ze da sitar el stòrego baterista venesian Michi Dei Rossi (uncora rento), el ghitarista trevizan Germano Serafin e, inte’l 1975, el sèlebre ghitarista Tolo Marton da Mojan, che’l ga sonà solche inte’l albo “Smogmagica”.
L’albo “Florian“, de’l 1979, el ga ciapà nome da’l famozo Cafè de Piasa San Marco. El grupo el ga anunsià de mołar definidivamente co i ùltemi conserti de’l 2020.
~
Da’l Łunaro Veneto 2021, Majo in 4 artìgołi:
-
MAJO/1 – CANTORA NOSTRA SISIŁIANA
- MAJO/2 – MARGHERA ROCK
-
MAJO/3 – JUDITHA A NEW YORK
-
MAJO/4 – UN DISCO TUTO TREVIZAN
Dizitałizasion de’l testo de Majo 2021 de’l Łunaro Veneto 2021.
Reprodusion autorizà da Academia de ła Bona Creansa
