GASTU MAI PENSÀ
(parołe e mùzega: Lino Toffolo)
Gastu mai pensà
A i fiori,
cuando che i ze tanti
e pieni de cołori,
coriàndołi su l’erba,
e a łe nùvołe…
Gastu mai pensà
Łeziere,
bianche roza o nere,
a strise in mezo a’l cieło,
scałini de bonbazo
Ghe gastu mai pensà
E a l’acua,
che a tonbołoni
riva su ła spiagia,
se destira un poco,
po’ ritorna a mar…
Gastu mai pensà
A łe stełe,
fate co un agheto
su un cieło tuto de carta,
e a tante robe ancora…
E senti,
scùzime…
gastu mai pensà
A mi…
Canson scrita da Lino Toffolo (Muran, 30 desenbre 1934 – Muran, 17 majo 2016) inte’l 1963 e fazente parte de’l só primo disco omònemo Lino Toffolo. Inte’l 1965 el cantautor miłaneze Enzo Jannacci, amigo de Lino, el ga voltà ‘sta canson in itałian e ła ga pubregà, co’l tìtoło Hai pensato mai, inte’l só disco Vengo anch’io. No, tu no.
