Na Cołonba Bianca
(voze: Leo Miglioranza & Erica Boschiero, parołe de Leo Miglioranza)
Nina nina,
te canto ła nina nana,
beło de mama
che ła note po’ ła te ingana.
Onji sera te me canti ła nina nana,
mama mia onji volta dopo son co Ana,
che zoghemo insieme soto a cheła montanja.
E onji volta eła ła me ride drio na scianta,
se no ła ciapo in tenpo eła ła me scanpa,
e ła zoła via che ła par na beła cołonba bianca…
E mi resto par tera e vedo ła montanja
sciopa tuto in aria e no ghe ze Ana,
e me zvejo morto de paura
co na voze che me rasicura,
ma no poso védarte né tocar
mama dame łe ałe vojo vołar,
mama mi no vojo crédar che ła me colpa
sia de aver coresto pì de Ana…
Mama i me ga sconto i brasi che zogavo
mama i me ga perso łe ganbe che corevo
mama i me ga tolto i oci che vedevo
ma no i me ga tolto i sonji che fazevo
mama i me ga za sigà finché podevo
tuto el fià par dir che no ghe vedevo
ła montanja e Ana che mi vołevo
sol che farghe védar come che corevo…
sol che farghe védar come che corevo…
sol che farghe védar come che corevo…
sol che farghe védar…!
Nina nina,
te canto ła nina nana,
beło de mama
che ła note po’ ła te ingana.
Canson publegà inte’l 2009 rento el disco “Ndemo zente”. El brano el ze stà vinsidor de’l Premio Amnesty International Itałia dedegà a łe vìtime de łe mine anti parsona, durando ła XVI edision de’l Festival “Voci per la Libertà – una canzone per Amnesty”
