NONO CON LE ALI (2016)
(Andrea Scarcia)
Cuanto pasa el tenpo, cuanto pasa fora e dentro
che no canbia njente o tuto, che fa madurar un fruto cuanto
cuanto zvoła el tenpo,
se ghe penso no me rendo conto
un ano refa l’altro,
ma i ricordi se fa senpre più sentir
Cuante robe devo dirte! Cuante robe anche volesi farte véder…
una scàriga de sorpreze cuante…
Senbra ieri che se andava, in cuel bar in piasa mi zogavo a flìper
ti a ła Sizal, mi bevevo un suco ti una bira
co te me portavi in vespa, sensa casco su ła testa in piedi duro su ła pedana, tratinjivo el fià dentro ła galerìa
e adeso che son un papà anche mi…
volesi che te fosi cuà anche ti…
AH! se te fosi inte i mii oci
te vedesi come i ridi, come i cori
e i łe conbina de tuti i cołori
AH! se te fosi łe mie man
te podesi ciorli in braso, caresarli
cocołàndoli fin a doman
AH! se te fosi cuà anche ti se podesi far cusì!
AH! se te fosi inte i mii oci,
te vedesi come i ridi, come i cori
e i łe conbina de tuti i cołori,
AH! se te fosi łe mie man
te podesi ciorli in braso, caresarli
cocołàndoli fin a doman
AH! se te fosi qua anche ti, se podesi far cusì!
Se te fosi cuà anche ti, se podesi far cusì, se te fosi cuà anche ti…
