Steła
(mùzega de i Radiofiera – parołe de Ricky Bizzarro)
‘Sta beła steła fin doman
finché no riva el sol,
sciara ‘sto scuro e’l me cuor
orbo e pien de dołor,
‘sta beła steła fin doman
finché no riva el sol…
soto el cusin go na roza
e ła broza sora el nisiol,
łe piope sconde ła łuna
ma ti te par proprio bon,
go ła porta verta su’l mar
e vento da respirar,
go cuà un cain de piova
e łàgrime de’l me amor…
ret. steła de l’Universo
dime che no ła ga perso ła strada,
dime che in scarseła ła ga senpre
un toco de’l me cuor
un toco de’l me cuor
un toco de’l me amor…
‘Sta beła steła fin doman
finché no riva el sol,
sciara ‘sta tera putana
sensa Dio e sensa cuor,
‘sta beła steła fin doman
finché no riva el sol
resta inpisada sora ‘sta guera…
ret. steła de l’Universo…
(x2)
Canson contenjùa inte’l disco “La casa di Alice”, publegà da’l grupo trevizan de i Radiofiera inte’l 2002. Ła varsion de’l video ła ze ciapà da un conserto da’l vivo sonà in direta par Radio Veneto Uno inte’l 2014.
