DOŁO – Inte ła sitadina veneta el 19 setenbre 2015 A se ga tenjesto el “Mai Paura Day“, a dir un conserto de benefisensa par catar sù schei pa’ i comuni de ła Riviera de ła Brenta devastài da’l tornado de cheła istà.
A che l’evento i ga partesipà i pì inportanti grupi veneti de ła siena rock venetòfona: tra ‘sti cuà A ghe jera i grupi de l’eticheta “La Grande V Records” co in cao i Rumatera, e anca John See A Day, Abusivi, Gottardo Project evc…, el rapper Herman Medrano e i Los Massadores.
El ze stà anca el primo conserto de reunion, daspò de 7 ani de inatividà, de i Catarrhal Noise, a dir el straséłebre grupo thrash metal venetòfono da Casago de Pianiga.
A’l conserto i ze venjesti in pì de 10.000 spetadori e A ze stà fato sù un incaso de pì de 40.000 euro.
~
Da’l Łunaro Veneto 2020, Majo in 4 artìgołi:
- MAJO/1 – TORNADO
- MAJO/2 – DOŁO
- MAJO/3 – ERICA BOSCHIERO
- MAJO/4 – SANREMO 1997
