A PADOA ŁA PRIMA AZIENDA AUTOMOBIŁÌSTEGA – La “Miari & Giusti” ła ze stà ła prima caza automobiłìstega veneta e itałiana, fondà a Padoa inte’l 1894 da do zóvani inprenditori veneti, i inzenieri Giacomo Miari e Francesco Giusti Del Giardino, co l’obietivo de costruir industrialmente ła vetura co’l motor a benzina fata sù inte l’isteso ano da l’inzenier veroneze Enrico Zeno Bernardi. Inte’l 1896 l’azienda ła canbiarà nome in “Motori Bernardi, Miari, Giusti & C.”.
El trisiclo “Miari & Giusti” inte’l 1898 el vinsarà el “Premio Intarnasionałe de Vełosità” a Torin e, inte’l 1899, el farà el record de 60.000 km parcorsi sensa guasti a’l motor. Pur produzendo òteme màchine, par chestion de marcà, l’azienda ła serarà inte’l 1901, daspò de ver fato sù un sentenaro de màchine a tre e cuatro rode.
~
Da’l Łunaro Veneto 2021, Łujo in 4 artìgołi:
-
ŁUJO/1 – DA’L MONTEŁO A L’ALFA ROMEO
- ŁUJO/2 – A PADOA ŁA PRIMA AZIENDA AUTOMOBIŁÌSTEGA
-
ŁUJO/3 – UN DRAGO VENETO A MONTE CARLO
-
ŁUJO/4 – FORNASARI 99, EL SUV VENETO
Dizitałizasion de’l testo de Łujo 2021 de’l Łunaro Veneto 2021.
Reprodusion autorizà da Academia de ła Bona Creansa
