I Veneti inte ła storia de ła siensa (2/4): PADOA E ŁA SIENSA

PADOA E ŁA SIENSA – l‘Orto Botànego de Padoa el ze el pì antigo a’l mondo uncora situà inte’l só łogo orizenario. El jera stà istituìo inte’l 1545 par coltivar piante medisinałe pa’ far sù i medegamenti che, al’època, i jera ciamài “sénplisi”. Donca par ‘sto motivo el nome el jera el “Zardin de i sènplisi” (“Hortus Simplicium”). Da’l 1997 el ze stà reconjosùo Patrimonio de l’Umanità de l’UNESCO. Inte’l 1594, invese, el ze stà reałizà el Teatro Anatòmego de l’Univarsità de Padoa, che’l ze el pì antigo a’l mondo uncora parfetamente integro e ben conservà. El ze stà vołesto da Girolamo Fabrici d’Acquapendente, che’l jera profasor, mèdego e serùzego de l’univarsità pavana. El teatro el ga ła forma de cono roversà, co pianta ełìtega e sie ziri de palchi in lenjo de noghera.

~

Da’l Łunaro Veneto 2021, Febraro in 4 artìgołi:

  • FEBRARO/1 – TULLIO POZZAN
  • FEBRARO/2 – PADOA E ŁA SIENSA
  • FEBRARO/3 – TRATADO DE MEDEZINA
  • FEBRARO/4 – ŁENGUA E CONPUTASION
Dizitałizasion de’l testo de Febraro 2021 de’l Łunaro Veneto 2021.
Reprodusion autorizà da Academia de ła Bona Creansa

Leggi altri articoli: