I Veneti inte ła storia de ła siensa bis (1/4): CRISTINA ROCCATI

ACADEMIA DE I CONCORDI – Cristina Roccati (Rovigo, 1732 – 1797) la ze stà na siensiata e poetesa veneta, tersa dona łaureà a’l mondo e segonda a spesiałizarse in fìzega.

Da tozeta ła gavéa seità studi łetarari scumisiando asè presto a conpor versi: a 15 ani ła jera za na poetesa asè stimà. Inte’l 1747 ła ze stà acetà da l’Univarsità de Bołonja par studiar fiłozofìa naturałe, prima studentesa fémena mìa bołonjeze.

Nomenada “Consejera de ła Veneta Natio” la seitò̀ corsi de łòzega, zeometrìa, metafìzega, astronomìa, fìzega e siense naturałe. Daspò de ła łàurea inte’l 1751 ła se gavéa trasferiò a Padoa par parfesionarse in fìzega newtoniana.

Inte’l 1752 ła retorna a Rovigo devenjendo Presidenta de l’Academia de i Concordi. De ła só atività sientìfega A ze restà un epistołario e 51 łesion de fìzega inedite.

~

Da’l Łunaro Veneto 2021, Marso in 4 artìgołi:

• MARSO/1 – CRISTINA ROCCATI
  
• MARSO/2 – ACADEMIA DE I CONCORDI
  
• MARSO/3 – IŁUMINIZMO VENETO
• MARSO/4 – NATIONES UNIVARSITARIE
  

Dizitałizasion de’l testo de Marso 2021 de’l Łunaro Veneto 2021.
Reprodusion autorizà da Academia de ła Bona Creansa