Veneto & Motori (1/4): SCUDERÌA SERENÌSIMA

SCUDERÌA SERENISSIMA – Ła ze stà na azienda otomòbiłìstega fondà da’l conte Giovanni Volpi, inprenditor veneto fiol de’l conte Giuseppe, inte i primi ani ’60 par garejar inte łe conpetision de ła categorìa Gran Turizmo.

Ła prima e ùnega machina projetà e realizà ła ze stà na vetura sportiva Gran Turizmo par el dòparo stradałe: la “Serenissima 308V Jet Competizione” de’l 1966, a dir na vetura a motor sentrałe de inpostasion sìmiłe a ła coeva Lamborghini Miura.

La 308V ła jera stà pensà anca par łe conpetision e, par ‘sto motivo, ła montéa el motor “Serenissima M166“, un V8 da 3000 cc con na potensa màsema de oltra 300 cavałi. ‘Sto motor el ze stà doparà in Fòrmuła 1 pa’ łe machine de ła McLaren intel’ 1966, e anca pa’l protòtipo “Serenissima M1AF” de’l 1967.

~

Da’l Łunaro Veneto 2020, Novenbre in 4 artìgołi:

  • NOVENBRE/1 – SCUDERÌA SERENÌSIMA
  • NOVENBRE/2 – RONCADE
  • NOVENBRE/3 – ENRICO ZENO BERNARDI
  • NOVENBRE/4 – CANPION de FÒRMUŁA 1
Dizitałizasion de’l testo de Novenbre 2020 de’l Łunaro Veneto 2020.
Reprodusion autorizà da Academia de ła Bona Creansa