El dì de ła Sensa de’l 1000, el Doze co el juto de Bazełio el ze partìo par ła só inpreza pì granda, sełebrada inte i sècołi co ła festa de ła Sensa.
Chel dì łà el ze partìo da Equilium (Jèzoło) co na flota granda asà contro de i pirati Narentani che i infestava łe coste de l’Adriàtego e che i ostacołava i comersi venesiani.
El se ga fermà Grado, Parenso, Poła, indove łe sità istriane sfinìe da i asalti de i pirati zlavi i ghe ga rendesto omajo a Piero II e łe ghe ga zurà fedeltà a Venesia par dopo ndare verso de łe coste dàlmate de Arbe, Veja, Zara, Cursoła e Łagosta.
Co ‘sta spedision, aprovada da Bizansio, Piero Orsèoło II el deventa anca Duca de Dalmasia . Segondo serti stòreghi, ‘sta cuà ła sarìa stà ła prima volta che ła flota venesiana ła ga esponesto el gonfałon de San Marco co el łeon ałà, benedito da’l Patriarca.
~
Da’l Łunaro Veneto 2020, Febraro in 4 artìgołi:
- FEBRARO/1 – EL BUCINTORO
- FEBRARO/2 – CANAL DE ŁEME
- FEBRARO/3 – PIERO ORSÈOŁO II
- FEBRARO/4 – FESTA DE ŁA SENSA
