ACADEMIE AGRARIE- Nte i ùltemi 30 ani de vita, ła Repùblega Veneta ła ze ndà restaurar cuel che revardava el setor agrìgoło, parsepindo cuełe che łe jera łe dificoltà grave de mancansa de dezviłupo.
Łe Academie, in orìjine, łe jera pì che altro de caràtere łeteràrio e asà inpermeàbiłe a łe idèe nove de’l sècoło, anca parché, el pì de łe volte, i acadèmeghi no i jera sernìi par łe conpetense agronòmeghe reałe, ma parché speso i fazeva parte de na pozision sosiałe eminente.
Ła cosientizasion de ‘sti intełetuałi cuà so ła cuestion agrìgoła ła ga dà i só fruti. Esensiałe el ze stà el diàłogo co’l Stato e in ùltema A se ze stà boni de otenjer dełe reforme, na połìtega agraria e òrgani realmente conpetenti che i sarìa ndài jestir uno de i pì inportanti setori che’l revardava mìa solche el comersio de prodoti, ma anca el denjo vìvar de i contadini.
~
Da’l Łunaro Veneto 2020, Apriłe in 4 artìgołi:
- APRIŁE/1 – ACADEMIE AGRARIE
- APRIŁE/2 – SITÀ ACADÈMEGHE
- APRIŁE/3 – PIETRO ARDUINO
- APRIŁE/4 – ŁEJE DE SETOR
