Setenbre 1768, el Stato Veneto l’aprova, par ła prima volta inte ła só storia, ła łeje che reconose el primado de’l setor agrìgoło inte l’economìa de ła Repùblega : ‘ła baze fondamentałe de’l prinsipado, come el vardar łe tècneghe adate a ła bona despozision de ła natura, donca l’agricoltura ben fata, ła ze ła pì reałe richesa de ła nasion’.
Da ‘sto momento ła połìtega agrìgoła, ła vien èsar un continuo córarse drìo de decreti, łeje e intarventi normadivi de tuteła e defeza de’l teritorio.
El senado, daspò, el ndarà individuar łe aree de crize da asenjarghe a serte majstradure pì adate a studiar e resòlvar łe spesìfeghe dificoltà ezistente inte’l teritorio.
~
Da’l Łunaro Veneto 2020, Apriłe in 4 artìgołi:
- APRIŁE/1 – ACADEMIE AGRARIE
- APRIŁE/2 – SITÀ ACADÈMEGHE
- APRIŁE/3 – PIETRO ARDUINO
- APRIŁE/4 – ŁEJE DE SETOR
