Piero Arduin (Cavrin Veroneze 18 łujo 1728 – Pàdoa 13 apriłe 1805), agrònomo, botànego e naturałista. Stòrego custode de l’orto botànego de Padoa, el ze stà el primo a’l mondo a aver na càtedra de Agricoltura a l’univarsità de Padoa.
Intra de łe tasche che el ga vudo, A ghe ze sta comisionà da’l Stato Veneto na vałutasion e na pianifegasion de i problemi e de łe sołusion posìbiłe pa far oparar concretamente łe academie e reorganizar l’agricoltura.
I prinsipałi projeti de Arduin i jera łaorar co el clero, stimołando i contadini a l’introdusion de nove tècneghe agrìgołe, ingrumar sù łe espariense e daspò consenjàrghełe a l’univarsità.
El ghe dava premi a chi che fazéa un bon łaoro de recùparo e reserca e revédar i contrati de afito in maniera che ła superfise de tera coltivada ła fuse proporsionà a ła forsa łaoro.
~
Da’l Łunaro Veneto 2020, Apriłe in 4 artìgołi:
- APRIŁE/1 – ACADEMIE AGRARIE
- APRIŁE/2 – SITÀ ACADÈMEGHE
- APRIŁE/3 – PIETRO ARDUINO
- APRIŁE/4 – ŁEJE DE SETOR
