PAPA JUŁIO II DE ŁA RÒVARE – (Albisola, 5 desenbre 1443 – Roma, 21 febraro 1513). Poco el sentra co el Róvare cueło che’l zestà denomenà “el Papa Terìbiłe” parò el ze un parsonajo che’l ga fato parte de ła Storia Veneta inte uno de i pèzo modi: nte’l 1508 el se ga acordà co Louis XII de Fransa, l’Inperadon Maximilian I de’l Àustria e Fernando II de Aragona, par reunir ła famoza Łega de Canbrais contro de ła Repùblega Veneta par robarghe a i Veneti posedimenti e sità de ła Romanja.
Un spunto par ndar in serca de cosa che ła ze stà ‘sta guera, che inte cheła època ła se podéa definir scuazi mondiałe, e come che i ga fato i Veneti a cavàrseła isteso anca se i gavéa tuti contro.
~
Da’l Łunaro Veneto 2019, Zunjo in 4 artìgołi:
- ZUNJO/1 – Na paroła: QUERCUS PETRAEA
- ZUNJO/2 – Un posto: ŁA QUERCUS PETRAEA
- ZUNJO/3 – Un parsonajo: PAPA JUŁIO II DE ŁA RÓVARE
- ZUNJO/4 – Un evento: EL RÓVARE
