El róvare (4/4): EL RÓVARE

EL RÓVARE – el zera na pianta tanto cara a ła Repùblega Veneta tanto da sotopónar a reserva tuti i róvare, ma anca cheł’altre cuerce, par ła cantierìstega pùblega, par ezenpio el bosco de’l Montel ‘ntel Trevizan, el ze sta bandìo e dełineà i tèrmeni par èsar de escluzivo utiłizo de l’Arsenal ndove che i venjéa segà i róvare pì driti (da fiło).

Par cuełi pì storti, invese, A ghe zera el bosco de Montona in Istria. ‘Ste rezerve obligatorie łe ga portà parò drioman co’l tenpo a un efeto roverso ndove che i contadini, pena che i ghe ne vedéa crésar uno inte ła só tera, i ło cavava sù pa no èsar sojeti a ‘sto vìncoło de pùblega utiłità.

Inte ła fin de’l Setesento i róvare i ze deventà de łìbaro utiłizo anca parché A se zera drio risciar l’ełiminasion totałe de ‘sta sorte nòbiłe de pianta.

~

Da’l Łunaro Veneto 2019, Zunjo in 4 artìgołi:

Dizitałizasion de’l testo de Zunjo 2019 de’l Łunaro Veneto 2019.
Reprodusion autorizà da Academia de ła Bona Creansa

Leggi altri articoli: