Ezito veneto (3/4): PIERIO VAŁERIAN

PIERIO VAŁERIAN – in età renasimentałe, co ła redescoverta de’l mondo antigo e de łe só forme de pensiero, fiłozofìa e rełijon, A renase l’intarese verso ła cultura ezisia e i só culti misteriozi. Platon, el fiłòzofo grego pì amirà e studià inte’l parìodo, el parla pì volte de l’antighità de’l pòpoło ezisio e de łe conosiense ansestrałe. Cusì i doti de’l ’400 e de’l ’500 i scomisia, dopo sècołi, a intaresarse a cheła cultura łà, anca par conósarghene i segreti de natura ezotèrega. Un intrigo grando el zera el no conósar mìa ła scritura zeroglìfega. A se sa che ła desifrasion efetiva de i zeroglìfeghi ła capitarà soło inte l’800, ma za A se tenta de descrìvar e interpretar i senji. L’òpara pì sinifegadiva de’l parìodo ła ze i Hieroglyphica de’l studiozo Pierio Vałerian, umanista bełuneze. Vałerian el vede i zeroglìfeghi mìa come na normałe scritura, ma ła raprezentasion de na łengua sapiensiałe che ła raprezenta i ełementi de ła natura.

Da’l Łunaro Veneto 2022, Marso in 4 artìgołi:

  • MARSO/1 – CULTI EZISI
  • MARSO/2 – AŁESANDRIA & SAN MARCO
  • MARSO/3 – PIERIO VAŁERIAN
  • MARSO/4 – BELZONI & MIANI
Dizitałizasion de’l testo de Marso 2022 de’l Łunaro Veneto 2022.
Reprodusion autorizà da Academia de ła Bona Creansa

Leggi altri articoli: