Forte Verena (1/4)

IN PREPARASION A ŁA GUERA – A’l scomisio de’l ‘900 el sistema defensivo itałian el mostrava tuta ła só inadeguadesa par poder contrastare łe trupe Austro-ungàreghe ‘nte l’area prealpina, sia a łiveło stratèzego che costrutivo. Soło ‘nte’l 1908 A se ga desidesto de far su na łinea fortifegà a l’altesa de łe nove necesità. L’aspeto fondamentałe de ła nova łinea i jera i forti: moderni, conplesi, corasài, armài e in pozision stratèzega, tanto de vałe cuanto de altura. Drio i piani el sistema defensivo el gavéa da èsar finìo pa’l 1913 ma ‘nte’l 1914, co’l vèrzarse de’l conflito in Europa de i 44 forti previsti, 12 i jera oncora in costrusion. A no se ga fato de manco, parò, de resercar un serto gusto estètego, evidentemente inùtiłe da’l ponto de vista miłitare, contrariamente a łe fortese austro-ungàreghe costruìe co na abondansa de semento sensa parò métarlo in òpara armàndoło co potrełe de fero o asałe. ‘Sti erori gravi cuà soto el fogo nemigo i sarà fatałi.