Forte Verena (2/4)

FORTE VERENA – In sima a l’omònemo monte, a 2019 metri de altesa, oncora oncò, A se cata una de łe fortese pì inportante pa’l tenpo, da un ponto de vista stratèzego, tra cuełe de’l Regio Ezèrsito Itałian ‘nte ła guerra de’l 1915-1918, overo Forte Verena. Costruìo tra el 1910 e el 1914, el ze stà na fortesa a defeza de’l confin itałian co l’Inpero austro-ungàrego. Deso A se cata ‘nte’l comun de Roana, in provinsa de Visensa a’l confin co’l Trentin. L’opera ła fazéa parte de’l zbaramento Anjo-Asa III setore Asiago. Par ła só pozision stratèzega el venjeva soranominà el “dominador de l’altopian”. El forte el zera corasà co 4 canoni Armstrong in asałe da 149 mm e dotà in pì de varie baterie esterne, in partegołare i òbisi da 280 mm cołocài so i łati de’l monte.